Last Updated:
ಚಿಕ್ಕಮಗಳೂರು: ಮೆಸ್ಕಾಂ ಆಲ್ದೂರು ಉಪವಿಭಾಗದಲ್ಲಿ ಜೂನ್ 7-14ರ ವರೆಗೆ ವಿದ್ಯುತ್ ವ್ಯತ್ಯಯ. ಮಳೆಗಾಲದ ಸಿದ್ಧತೆಗಾಗಿ ಕಾಮಗಾರಿಗಳು. affected ಗ್ರಾಮಗಳು: ಹುಯಿಗೆರೆ, ಆಲ್ದೂರು, ಬನ್ನೂರು, ಜಕ್ಕಣಕ್ಕಿ, ಇತ್ಯಾದಿ.
ಚಿಕ್ಕಮಗಳೂರು: ಕಾಫಿನಾಡು ಚಿಕ್ಕಮಗಳೂರಿನಲ್ಲಿ (Chikkamagaluru) ಮಳೆಗಾಲದ (Monsoon) ಸಿದ್ಧತೆಗಾಗಿ ಮೆಸ್ಕಾಂ (MESCOM) ವಿದ್ಯುತ್ ಕಾಮಗಾರಿಗಳನ್ನು ಕೈಗೊಂಡಿದ್ದು, ಆಲ್ದೂರು ಉಪವಿಭಾಗದ ಹಲವು ಗ್ರಾಮಗಳಲ್ಲಿ ಜೂನ್ 7 ರಿಂದ ಜೂನ್ 14ರವರೆಗೆ ವಿದ್ಯುತ್ ಸರಬರಾಜಿನಲ್ಲಿ ವ್ಯತ್ಯಯವಾಗಲಿದೆ. ಮಲೆನಾಡಿನಲ್ಲಿ ಮಳೆ ಕೊಂಚ ವಿರಾಮ ಪಡೆದಿರುವ ಸಂದರ್ಭದಲ್ಲಿ, ಮುಂಗಾಲಿನಲ್ಲಿ ವಿದ್ಯುತ್ ತೊಂದರೆಗಳನ್ನು (Power Outage) ತಡೆಗಟ್ಟಲು ಈ ಕಾಮಗಾರಿಗಳನ್ನು ಯೋಜಿಸಲಾಗಿದೆ.
ಮೆಸ್ಕಾಂ ಕಾಮಗಾರಿ ಆರಂಭ
ಆಲ್ದೂರು ಉಪವಿಭಾಗದ ಕಂಚಿನಕಲ್ಲು ದುರ್ಗದ ಹೊಸ ಫೀಡರ್ ಕಾಮಗಾರಿಯಿಂದಾಗಿ ಜೂನ್ 10ರಂದು ಬೆಳಿಗ್ಗೆ 10 ರಿಂದ ಸಂಜೆ 6 ಗಂಟೆವರೆಗೆ ಸಾರಗೋಡು, ಗುಡ್ಡದೂರು, ಆಲ್ದೂರು ಟೌನ್, ಗುಲ್ಲನ್‌ಪೇಟೆ, ಹಾದಿ, ಕೆರೆಮಕ್ಕಿ, ಶಂಕರಫಾಲ್ಸ್ ಫೀಡರ್‌ನಿಂದ ವಿದ್ಯುತ್ ಪಡೆಯುವ ಗ್ರಾಮಗಳಾದ ಹುಯಿಗೆರೆ, ಆಲ್ದೂರು, ಕೆಳಗೂರು, ಸತ್ತಿಹಳ್ಳಿ, ಬಸ್ಕಲ್, ದೊಡ್ಡಮಾಗರವಳ್ಳಿ, ಕೂದುವಳ್ಳಿ, ಆಣೂರು, ಬೈಗೂರು, ಬಸರವಳ್ಳಿ, ದೇವದಾನ ಗ್ರಾಮ ಪಂಚಾಯಿತಿಯ ಎಲ್ಲಾ ಗ್ರಾಮಗಳಲ್ಲಿ ವಿದ್ಯುತ್ ಕಡಿತವಾಗಲಿದೆ.
ವಿದ್ಯುತ್ ಸರಬರಾಜಿನಲ್ಲಿ ತಾತ್ಕಾಲಿಕ ವ್ಯತ್ಯಯ
ಇದೇ ರೀತಿ, ಆಲ್ದೂರು ಉಪವಿಭಾಗದ ಸಾರಗೋಡು ಶಾಖೆಯ ಮಾಗುಂಡಿ ಫೀಡರ್ ಲಿಂಕ್‌ಲೈನ್‌ಗೆ ಹುಯಿಗೆರೆ ಗ್ರಾಮ ಪಂಚಾಯಿತಿಗೆ ಪ್ರತ್ಯೇಕ ಮಾರ್ಗ ಎಳೆಯುವ ಕಾಮಗಾರಿಯಿಂದಾಗಿ ಜೂನ್ 7 ರಿಂದ 14ರವರೆಗೆ ಬನ್ನೂರು, ಜಕ್ಕಣಕ್ಕಿ, ಕಾರ್ಕಿ, ಮಾಗುಂಡಿ, ಹಮ್ಮಿ, ಮಹಲ್‌ಗೋಡು, ಅಂಡವಾಣಿ, ಕರಗಣೆ, ಸಣ್ಣಮನೆ, ಮಾವಿನಕಟ್ಟೆ ಗ್ರಾಮಗಳಲ್ಲಿ ಬೆಳಿಗ್ಗೆ 10 ರಿಂದ ಸಂಜೆ 5 ಗಂಟೆವರೆಗೆ ವಿದ್ಯುತ್ ವ್ಯತ್ಯಯವಾಗಲಿದೆ.
ಮೆಸ್ಕಾಂನ ಆಲ್ದೂರು ಉಪವಿಭಾಗದ ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ಈ ಕಾಮಗಾರಿಗಳಿಗೆ ಸಾರ್ವಜನಿಕರ ಸಹಕಾರ ಕೋರಿದ್ದಾರೆ. ಮಳೆಗಾಲದಲ್ಲಿ ವಿದ್ಯುತ್ ಸರಬರಾಜಿನ ಸ್ಥಿರತೆಯನ್ನು ಖಾತ್ರಿಪಡಿಸಲು ಈ ಕಾಮಗಾರಿಗಳು ಅಗತ್ಯವಾಗಿವೆ ಎಂದು ಅವರು ತಿಳಿಸಿದ್ದಾರೆ. ಸ್ಥಳೀಯರು ಈ ವಿದ್ಯುತ್ ಕಡಿತದಿಂದ ಉಂಟಾಗುವ ತೊಂದರೆಗೆ ಸಿದ್ಧರಾಗಿ, ಅಗತ್ಯ ಮುಂಜಾಗ್ರತೆ ಕ್ರಮಗಳನ್ನು ಕೈಗೊಳ್ಳುವಂತೆ ಕೋರಲಾಗಿದೆ.
Chikmagalur,Chikmagalur,Karnataka
June 08, 2025 6:49 PM IST
