ಗುರುವಾರ ಒಳಹರಿವಿನ ಪ್ರಮಾಣ 80,084 ಕ್ಯುಸೆಕ್‌ ಇತ್ತು. ಜಲಾಶಯದ ಗೇಟ್‌ಗಳ ಮೂಲಕ 19,582 ಕ್ಯುಸೆಕ್‌ ಹಾಗೂ ಕೆಪಿಸಿಎಲ್‌ ಮೂಲಕ 38,750 ಕ್ಯುಸೆಕ್‌ ಸೇರಿ ಒಟ್ಟು 58,332 ಕ್ಯುಸೆಕ್‌ ನೀರನ್ನು ನದಿಗೆ ಹರಿಸಲಾಗುತ್ತಿತ್ತು.
ನಡೆಯದ ಕ್ಲೋಸರ್‌ ಕಾಮಗಾರಿ
ಪ್ರತಿ ಬಾರಿ ಬೇಸಿಗೆ ಆರಂಭವಾಗುತ್ತಿದ್ದಂತೆ ನಾನಾ ಕಾಲುವೆಗಳಲ್ಲಿ ಕ್ಲೋಸರ್‌ ಕಾಮಗಾರಿ ಆರಂಭವಾಗಿ ಮಳೆಗಾಲಕ್ಕೂ ಮುನ್ನವೇ ಮುಕ್ತಾಯವಾಗುತ್ತಿತ್ತು. ಆದರೆ, ಕಳೆದೆರಡು ವರ್ಷಗಳಿಂದ ಕ್ಲೋಸರ್‌ ಕಾಮಗಾರಿಯನ್ನು ಸಮರ್ಪಕವಾಗಿ ನಡೆಸಿಲ್ಲ. ಈ ವರ್ಷ ಇನ್ನೂ ಆರಂಭಿಸಿಲ್ಲಎಂದು ರೈತರು ಆರೋಪಿಸಿದ್ದಾರೆ.
ಕೂಡಲೇ ಆಲಮಟ್ಟಿ ಡ್ಯಾಂನಿಂದ ನೀರು ಹರಿಸಿ
ಈಗಾಗಲೇ ಬಿತ್ತನೆ ಮಾಡಿದ ಜಮೀನುಗಳಿಗೆ ನೀರಿನ ಅವಶ್ಯಕತೆ ಇದೆ. ಆಲಮಟ್ಟಿ ಡ್ಯಾಂಗೆ ಸಾಕಷ್ಟು ಪ್ರಮಾಣದಲ್ಲಿನೀರು ಹರಿದು ಬರುತ್ತಿರುವುದರಿಂದ ಡ್ಯಾಂ ವ್ಯಾಪ್ತಿಯ ನಾನಾ ಕಾಲುವೆಯಂಚಿನ ರೈತರಿಗೆ ಸಂತಸ ಮೂಡಿಸಿದೆ. ಕೂಡಲೇ ಕಾಲುವೆ ಮೂಲಕ ನೀರು ಹರಿಸಬೇಕು. ಜಲಾಶಯದಿಂದ ನದಿ ಪಾತ್ರಕ್ಕೆ ವ್ಯರ್ಥವಾಗಿ ನೀರು ಹರಿಸುವ ಬದಲು ಕಾಲುವೆಗಳಿಗೆ ನೀರು ಹರಿಸಿ ರೈತರ ಹಿತ ಕಾಪಾಡಬೇಕು ಎಂದು ರೈತರು ಒತ್ತಾಯಿಸುತ್ತಿದ್ದಾರೆ.
ಆಲಮಟ್ಟಿ ಡ್ಯಾಂ ನೀರು ವ್ಯರ್ಥವಾಗಿ ಆಂಧ್ರ ಪ್ರದೇಶಕ್ಕೆ
ಆಲಮಟ್ಟಿ ಡ್ಯಾಂನಿಂದ ಹರಿಬಿಡುತ್ತಿರುವ ನೀರು ವ್ಯರ್ಥವಾಗಿ ಆಂಧ್ರಪ್ರದೇಶಕ್ಕೆ ಹೋಗುತ್ತಿದೆ. ಜಲಾಶಯ ವ್ಯಾಪ್ತಿಯ ರೈತರ ಹಿತದೃಷ್ಟಿಯಿಂದ ಕಾಲುವೆಗಳಿಗೆ ಶೀಘ್ರ ನೀರು ಹರಿಸಬೇಕು. ಇದರಿಂದ ಕಬ್ಬು ಬೆಳೆಗಾರರು ಸೇರಿದಂತೆ ಎಲ್ಲರೈತರಿಗೂ ಅನುಕೂಲವಾಗುತ್ತದೆ ಎಂದು ಕಂದಗನೂರ ರೈತ ಮುಖಂಡ ಶಂಕರಗೌಡ ಶಿವಣಗಿ ಹೇಳುತ್ತಾರೆ.
ಜೂನ್‌ 19 ರಂದು ಆಲಮಟ್ಟಿ ಜಲಾಶಯದ ನೀರಿನ ಮಟ್ಟ
- ಗರಿಷ್ಠ ಎತ್ತರ – 519.60 ಮೀಟರ್‌
- ನೀರು ಸಂಗ್ರಹ ಸಾಮರ್ಥ್ಯ – 123.081 ಟಿಎಂಸಿ
- ಪ್ರಸ್ತುತ ನೀರು ಸಂಗ್ರಹ – 68.343 ಟಿಎಂಸಿ
- ಒಳಹರಿವು – 80,084 ಕ್ಯುಸೆಕ್‌
- ಹೊರ ಹರಿವು – 58,332 ಕ್ಯುಸೆಕ್‌
